kama pona tawa ilo pana tenpo NTP lon dreamstation.systems!
nasin kepeken pi ilo pana tenpo mi
o lawa e ilo kute sina pi nasin NTP tawa nimi dreamstation.systems. nimi ni li pona nanpa 1. taso ilo kute sina li sona e nanpa IP taso la sina ken sitelen e nanpa 67.215.249.229 lon ona. ike la mi jo e nasin IPv4 taso lon tenpo ni. kulupu esun pi ilo VPS mi li awen lon tenpo pi ilo kiwen.
mi pana e tenpo kepeken nasin NTP lon lupa 123/UDP. nasin NTS-KE kin li lon: ona li lon lupa 4460/TCP li kepeken lipu awen tan kulupu Let's Encrypt.
mi jo kin e ilo pana tenpo nanpa 2 lon starport.dreamstation.systems / 198.44.55.245. ona li kepeken nasin NTP taso. ona li kama jo e tenpo tan dreamstation.systems kepeken ala ilo ante. ona kin li lon kulupu NTP Pool (kulupu suli pi ilo pana tenpo, lon pool.ntp.org). sina ken kepeken ona kin.
ilo chrony mi li jo e lawa ni: ratelimit interval 2 burst 32. ni la nanpa IP wan li ken pana e wile 32 lon tenpo lili. wile 32 ni li pini la ona li ken pana e wile sin 1 lon tenpo 4 s ale. sina pana e wile pi mute namako la ilo mi li weka e poki lili sina. mi pilin e ni: mute ni li suli a tawa ilo kute wan, tawa linluwi lili pi nasin NAT. linluwi suli pi nasin NAT la o sitelen ala e nimi dreamstation.systems lon ilo sona ale ona. o kepeken pool.ntp.org.
sina esun e ilo la o sitelen ala e nimi dreamstation.systems lon insa ona. o kepeken nimi “vendor zone” pi kulupu NTP Pool: kulupu NTP Pool li pana e nimi ni tawa kulupu esun wan taso.
pakala ilo li ken pakala e jan la ilo ni o kepeken ala dreamstation.systems lon tenpo ale.
mi pana e tenpo seme?
mi pali ala e “leap smearing”. (ni li nasin ni: ilo li pana lili e tenpo namako “leap second” lon tenpo suli.) tenpo namako “leap second” la mi kepeken nasin pi lipu RFC 5905.
mi pana e tenpo pi nanpa Stratum 2: ilo pana tenpo mute pi nanpa Stratum 1 li pana e tenpo tawa mi. (nanpa Stratum li toki e weka tan ilo tenpo lawa.) sina wile sona e ale la o lukin e lipu ntpstats.txt.
o sona e ni
ilo ni li pali musi mi taso. mi wile awen e ona lon tenpo kama suli. mi wile e ni: ona li awen lon tenpo ale. taso ona li weka lon tenpo suno kama la o toki utala ala tawa mi.
pakala ilo li ken pakala e jan la ilo ni o kepeken ala dreamstation.systems lon tenpo ale.
mi awen jo kin e sona lili. ilo mi li pana e tenpo tawa nanpa IP la mi sitelen e nanpa IP ni. mi pana kin e nanpa kulupu tawa jan ale: ilo mi li toki tawa ma seme (tan sona GeoIP), tawa nanpa ASN seme.
tenpo ale la ilo ni li ken open sin. open sin li kama la mi toki ala e ni. taso 1 min li pini ala la ilo li kama sin.
mi toki sin e ni: toki wawa pi awen ilo li lon ala. taso weka suli li kama la mi lukin toki e ni lon lipu ni. toki ni li lon lipu la tenpo suno 7 anu mute li pini. ni la weka li open.